يمّه عليه إن زعـل ... واذا رضـى يمـّه
يمّـه ذبحنـي غـلاه ... وشــلّ وجـداني
يمّـه غرامـه طريـقـي ... ولازم اتمّـه
شيٍ مـن الله علـى غفلـة تغَّشَـانـي ...!!
اشهق على ضحكته واشفـق علـى ضمّـه
واموت منه إن جفى ... وإن جاني احيانـي
إن كان درب الشقـى يمــر مـن يمّـه ...!!
والله لكـمّـل شـقـاه " إن الله احـيـانـي "
اقـول ياســيـدي ... ويقـول ياعمّــــة ...!
كـلٍ ذبحـه الولــــه فـي عشـقـة الثــانـي
اشتـاق طعـم الغديـر اللـي وســط فـمّـه
مقـدر اخبّـي عليـه ... اكتـــب ويقرانـي
قمـت اشتكـي للغـلا ... واصيـح واخمّـه
ياشيـن بلـوى الهـوى ... الله لا يبلا ني
يقـول لـي بالهـوى مذهـب ولـي ذمّـة
واقـول بصـرك ... ولـكـن لا تعــدانـي
ابـي طريـقـك يصـيـر لوجهـتـي يِـمَّـة
ومنيـن يممـت وجهـك غـصـب تلقـانـي
يزمنـي بالهـوى ... زمـّـة ورى زمـّـــة
قطّـع وريـدة وخاطـه وسـط شريـــانـي
مبطي اذا خفـت صحـت وقلـت " يايمّــه "
والحين اذا خفت صحت وقلت " ياحصانـي "
لا واهني من قـرب منـه ... ومـن شمّـــــه
ماكـن ربـي خلقـه الا علـى شــانـي ...!!
جيتـه وكلـي مــن الاشــواق ملتـــمّـة
امشي من الصبح ليـن ان عشقـه امسانـي
ياحلو لوعـة شقـاه ... ويـا حلــو سمّـه
والله ياهـو بالهـوى " مـن جـد ورانـي "
ادمـى عيونـي ... وحنـى يدينــي بدمّـه
وعلـى طريـق الولـه اقـفـى وخـلانـي
يمّه احبّه ... فديـت ابـوه قبــل امّـه ...!
يهزنـي هـز ريـح ... وزلـزل اركـــانـي
وش فيه اذا البنت تعشق...؟! .. الهوى قمّة
تـــحـــــــــ الأمــيــرة ــــــيـاتــي
الإثنين يناير 07, 2013 2:44 am من طرف عاشقت بيشو
